除左視覺上嘅網頁設計，你仲需要一啲肉眼見唔到嘅功能。
整網站，除左視覺上嘅網頁設計，你仲需要一啲肉眼見唔到嘅功能。依啲功能可以幫你分析流量、縮短載入時間、同令網頁更加專業等，總括黎講，就係令更多人去睇你個網。
注意：部分加購服務會有另外 5 至 15 分鐘真人線上教學。另外，大部分功能喺設定介面只有英文，但用戶介面可以有中文。
Google Analytics（網頁流量分析）$500
Google Analytics 係最多人用嘅免費流量分析工具，功能強大，你可以知道用戶係透過咩渠道嚟到你個網、咩時間最多人嚟、最多人睇邊頁、睇幾耐、用咩裝置睇、用戶性別同年紀等。有咗以上嘅資料，可以令你更容易放入針對目標客戶嘅內容，以提高瀏覽量。
設置專業電郵，首個＄300（之後每個 $100）
一個專業嘅電郵除左可以影響客戶對你業務嘅睇法之外，仲可以幫你做到分流。例如，如果你係用 gmail 嘅話，你只能夠幫業務開到一個地址，[email protected]，但如果有專業電郵嘅話你就可以同時有多個以公司名為名嘅地址，[email protected]、[email protected]、[email protected] 等。
網頁神嘅專業電郵服務包括：
- 申請以公司名為＠嘅電郵地址。
- 將接收嘅電郵連接到 gmail，可以直接用 gmail 查看電郵。
- 將電郵發送連接到 gmail，可以直接喺 gmail 發送電郵。
注意，我地收嘅係申請電郵同將電郵連接到 gmail 嘅服務費，如果你嘅網頁寄存公司冇免費電郵嘅話，依個收費你要另外俾佢哋。
一鍵網站備份安裝及設定 $200
網站備份可以幫你喺更新網頁發生差錯，又或者受到駭客攻擊時將網站復原。網站備份其實有好多方法，不過如果你個網係成日都會更新嘅話，咁最好就係選擇一啲只需要按個製又或者係可以自動備份嘅功能。如果冇備份嘅話，最差嘅情況可能成個網冇左要重新做過。
注意，如果你選擇嘅網頁寄存公司已經有依個服務嘅話你唔需要搵我地另外搞。
網站防火埸 $300
如果係俾駭客攻擊嘅話，網站備份都只係一種補救既方法，要防止攻擊既發生（或者係再次發生），最好都係做預防，安裝一個防火場。我哋嘅收費包括安裝一個免費嘅防火場同做設定。
注意，如果你選擇嘅網頁寄存公司已經有依個服務嘅話你未必需要搵我哋另外搞。
SSL 憑證 $300
唔想網頁使用者嘅資料俾人偷就要用 SSL 加密，有咗 SSL 瀏覽器就會喺網址隔離加個鎖頭仔，話俾人知依個係一個安全嘅網頁，否則瀏覽器會警告人哋唔係入你個網，好大鑊。
注意，如果你選擇嘅網頁寄存公司已經有依個服務嘅話你唔未必需要搵我哋另外搞。
會員登記及登入 $500
呢個功能令你可以收埋部分資訊同頁面等登入左嘅用戶先睇到。你可以選擇以下其中一種會員登記方法：
- 人手，網站管理員自己輸入會員資訊做登記；
- 半人手，客戶線上填表再由網站管理員核准；
- 自動，客戶線上填表，毋須核准。
購物功能 $2000
功能包括，但不限於：
- 產品資料頁；
- 產品目錄頁；
- 購物車；
- 製作優惠碼；
- 線上支付（信用卡、支付寶、八達通等）；
- 設定運費；
- 設定免運金額。
進階表格 $200
半自動預約系統（Online booking）$500
- 管理員設定開放預約日期同時段；
- 客戶睇日曆空檔預約想要時段；
- 系統將時段由「空閒」轉為「待定」，並向管理員發送電郵通知；
- 管理員人手確認過數/收款後將時段轉為「被預約」。
進階線上預約系統（需登入）$1000
一個進階線上預約系統功能比簡單版多好多功能，例如一個時段內可預約上限、每人可預約上限、同登入先可以預約等。最適合一啲會員制嘅業務。
浮動 WhatsApp 按鈕 $50
將 WhatsApp 連結到你嘅網頁。依個功能會喺網頁嘅右下方加一個浮動嘅 WhatsApp 按鈕，按一下按鈕就會彈出你哋嘅 WhatsApp 對話視窗。
切換其他語言 $200
幫網頁增加其他語言，例如英文同簡體中文。服務包括語言切換按鈕，安裝同設定語言切換軟件，並唔包括翻譯或放入翻譯咗嘅語言（即係你要自己搵人翻譯，再遂個文字框放入譯文）。
圖片搜集，每 5 張 $200 （可更改 3 次）
好多時你未必係用自己既嘅片，尤其係一啲 icon 或者 blog post 嘅圖，我哋可以幫你喺 iStock 搵合適嘅圖片，但佢哋嘅下載收費你要自己俾返。
圖片優化，每 5 張 $100
圖片優化即係將佢嘅大小減至最小，好多未經處理嘅既相片，尤其是係自己影個啲，閑閑地都成 1mb，咁樣會增加網頁嘅載入時間， load 得越耐，就越容易令人放棄唔入你個網。
售後服務，每個月 $500
售後服務包括：
- 定期更新 wordpress、主題、及所有插件（唔更新容易俾駭客攻擊）；
- 復原網頁，每日最多五次；
- 更新連結地址；
- 定期惡意軟體掃描；
- 有需要時同寄存公司聯絡，例如網頁下線；
- WhatsApp 教學支援。
