域名註冊同網頁寄存公司多到數唔晒，究竟邊間先至好，睇吓對比。
域名、網頁寄存同 WordPress 都係現時整網頁不可缺少嘅嘢。雖然我地可以幫你做註冊同安裝等手續，但要揀邊間公司都係要你話返事。如果你對整網頁冇乜認識嘅話，可以睇返以下嘅介紹，再決定選擇邊一間公司。
域名（網域）
域名，又名網域，係組成網址嘅一個主要元素，每個網站都一定要有一個域名，而依個域名必需要係一個獨特、未有人使用嘅名。一般黎講你要知道三樣嘢：域名可用性、年費、註冊公司。
域名可用性
域名最好就係你間公司或者組織嘅名，例如 Nike 嘅域名係 nike.com。你可以用依個工具去查詢你想要嘅域名是否已被註冊。
域名年費
想得到域名嘅使用權就要交年費，睇下喺邊間公司註冊，年費大約係 $100 至 $200 不等。
域名註冊公司
雖然域名係唔影響網頁嘅速度，但咁樣唔代表越平越好。絕大部分嘅網頁寄存公司都有域名註冊服務，而即使某啲公司嘅費用係比其他高咗少少，但最好網頁寄存同域名註冊都用返同一間公司，咁一個唔該域名發生咗咩事，寄存公司都有存取權同你處理。
網頁寄存
一個網站其實就係一堆文件同文件夾，而你需要一個地方去放依啲文件俾人睇。網頁寄存就係互聯網上面一個俾你放依啲嘢嘅地方。 其實依家有好多寄存公司俾大家選擇，服務同價錢亦唔係差一大截，我哋以下會介紹 GoDaddy (GD)，Bluehost (BH)，同 SiteGround (SG) 三間公司嘅主要服務俾大家做對比。留意好多公司都做首年特價，所以要小心睇返之後嘅年費。
價錢
| GoDaddy | Bluehost | SiteGround | ||||
|---|---|---|---|---|---|---|
| 首年 | 續年 | 首年 | 續年 | 首年 | 續年 | |
| 寄存費 | $708 | $1188 | $276 | $1122 | $280 | $1684 |
| 域名費 | $0 | $169 | $0 | $171 | $0 | $156 |
| 網域私隱 | $0 | $0 | $93 | $117 | $93 | $187 |
| 專業電郵 | $0 | $108 | $117 | $195 | $0 | $0 |
| 網絡安全 | $0 | $0 | ❌ | ❌ | $0 | $0 |
| 網頁備份 | $0 | $0 | ❌ | ❌ | $0 | $0 |
| SSL 憑證 | $0 | $0 | $0 | $694 | $0 | $0 |
| 一共 | $588 | $1465 | $486 | $2299 | $373 | $2027 |
| 首年 | 續年 | |
|---|---|---|
| 寄存費 | GD: $708 BH: $276 SG: $280 |
GD: $1188 BH: $1122 SG: $1684 |
| 域名費 | GD: $0 BH: $0 SG: $0 |
GD: $169 BH: $171 SG: $156 |
| 網域私隱 | GD: $0 BH: $93 SG: $93 |
GD: $0 BH: $117 SG: $187 |
| 專業電郵 | GD: $0 BH: $117 SG: $0 |
GD: $108 BH: $195 SG: $0 |
| 網絡安全 | GD: $0 BH: $❌ SG: $0 |
GD: $0 BH: $❌ SG: $0 |
| 網頁備份 | GD: $0 BH: $❌ SG: $0 |
GD: $0 BH: $❌ SG: $0 |
| SSL 憑證 | GD: $0 BH: $0 SG: $0 |
GD: $0 BH: $694 SG: $0 |
| 一共 | GD: $588 BH: $486 SG: $373 |
GD: $1465 BH: $2299 SG: $2027 |
注意：以上為 GoDaddy, Bluehost 及 SiteGround 於 2024 年 1 月最基本計劃嘅每年大概費用，實際價錢同服務內容以佢哋網站為準。
網域私隱
購買域名嘅時候需要提交敏感嘅個人資料，而依啲資料（姓名、地址電話、電郵）可以被公開查閱，唔想俾人睇嘅就要有買網域私隱，將個人資料隱蔽。
專業電郵
專業電郵就係 example@[你個域名].com，一般小型網站都要一至三個先夠用。GoDaddy 嘅收費係每個電郵地址 $108，所以唔好睇佢好似係最平過，如果你電郵多嘅話分分鐘變最貴。
網絡安全
網絡安全包括防火牆、掃描、同惡意軟體移除等。SiteGround 同 GoDaddy 都有包埋，但 Bluehost 就要同第三方購買，一般俾年費。
網頁備份
一個唔該有啲咩事或者俾人 hack 咗，要有網頁備份先可以直接將網頁復原。 Siteground 嘅網頁備份係每日做 (daily)；而 GoDaddy 嘅就係每星期 (weekly)。Bluehost 嘅備份比較特別，雖然佢哋係有備份，但係佢哋唔保證一定備到足，而且要自己聯絡客戶復原。
SSL 憑證
SSL 會將網絡上面傳送嘅資料加密，等佢哋唔會比人偷。如果你個網頁係有 SSL 嘅話，瀏覽器輸入網址左邊嘅位置就會有個鎖頭仔。冇 SSL 嘅話，Google （或者其他瀏覽器）會警告用戶唔好入你個危險嘅網站，即係 GG。
市面上有好多免費嘅防火牆同 SSL 插件安裝，對於小型網站嚟講（尤其冇購物功能嗰啲），佢哋已經好夠用。如果你唔知揀邊隻好又或者唔識安裝同設定，可以搵我哋幫手，防火場同 SSL 各 $300，而且只係比一次錢，唔係年費。
其他考慮事項
| GoDaddy | Bluehost | SiteGround | |
|---|---|---|---|
| 客服語言 | 中英 | 英 | 英 |
| 速度 | 9/10 | 8.5/10 | 9.5/10 |
| 上線時間 | 99.97% | 99.94% | 99.98% |
| 客服語言 | GD: 中英 |
BH: 英 |
SG: 英 |
|---|---|---|---|
| 速度 | GD: 9/10 |
BH: 8.5/10 |
SG: 9.5/10 |
| 上線時間 | GD: 99.97% |
BH: 99.94% |
SG: 99.98% |
客服語言
絕大多數嘅客服都係透過即時線上聊天功能嚟溝通嘅，所以即使對方係冇提供中文服務都好，只要你有基本嘅英文讀寫能力就冇問題。另外 SiteGround 嘅客服速度快少少。
速度
其實三間都好高速，除非你個網站比較大，否則唔會見到好明顯嘅分別。
上線時間
上線時間即係寄存公司可以令到你個網上線俾人見到嘅時間。喺好極端嘅情況下，寄存公司個伺服器會因為某啲原因導致短暫既下嘅，咁你個網就會 load 唔到。而三間公司嘅上線時間都好高分，基乎冇分別。
總結
GoDaddy
服務項目比較多，而價錢亦都比較平，但質素就唔係排第一。如果你個網站需要嘅服務多，但想平啲就搵佢。
Bluehost
服務項目比較少，但就代表自由度高同價錢平。如果你個網站規模比較細，例如一頁式網頁，用佢就啱啦。
SiteGround
同 GoDaddy 一樣服務項目多，而且質素高，但就貴少少。如果你個網站比較大，又或者對安全同速度嘅要求高，就揀佢啦。
終極廉價之選
首年 $93 / 續年 $182
OrangeHost 係市面上最平價嘅網頁寄存公司之一，而且服務項目多。首年年費只需要 $12 美金（大約 $93 港幣），仲包括晒所有重點服務，例如域名費、網域私隱、無限專業電郵、網絡安全、每日網頁備份、SSL 憑證等。缺點係儲存空間小，得 5 GB，係其餘三間嘅一半，仲有就係質素同速度都較為遜色。不過，如果係第一次整網頁，加上頭一年瀏覽量唔係太高，絕對有得諗。
注意：以上為 OrangeHost 於 2024 年 1 月最基本計劃嘅每年大概費用，實際價錢同服務內容以佢哋網站為準。另外，域名同網域私隱費有可能只係首年免費，續年嘅實際費用未知，但絕對會比一般寄存公司平一大截。
